20. Jänner 2010 in Latein
E ruinis corpus exanimatum Archiepiscopi urbis principis, Sergii Miot nomine, extractum est.
Civitate Vaticana (kath.net/RV) Gravi de terrae motu, quo Haitia concussa est, commotus dolore Benedictus XVI multis hominibus alloquendi causa die Mercurii receptis, ut continuo auxilia praestarentur et stipes populo civitatis Caribicae conferrentur, adhortatus est.
Terra noctu diem Mercurii (ad mediam Europeam pertinente) praecedente mota, quo in mensura Richteriana numerus septimus indicatus erat, aedes numerosae Portu Principis, urbe principe, sitae corruerunt. Ii, qui ad instituta rebus subsidiaris dispensandis pertinent, sescentos defunctos esse censent.
E ruinis corpus exanimatum Archiepiscopi urbis principis, Sergii Miot nomine, extractum est. Multa milia hominum tecto carent, desunt remedia, quibus medica curatio providetur.
Summus Pontifex Benedictus XVI omnibus afflictis promisit se precationibus eis adesse eosque subsidiis institutis rebus subsidiaris dispensandis ecclesiasticis conferendis operam praestaturum esse.
© 2010 www.kath.net